ليلة خطوبة فسافس-2



دق جرس الباب وراح المفعوص الصغير يفتح ......



ادام الباب كان واقف شخص رذل بمعني الكلمة وواقف جنبه ست رخمة ومكشرة اوي...



ووراهم شاب فارق شعره من النص وشايل علبه في ايده ولابس بدله لونها حمرا ومرمبي شنبه ولابس نظارة سودا ريبان من الكبيرة ديه بتاعت زمان لو تفتكروها



طبعا عرفتم هما مين.....



الراجل الكبير(مضمحل افندي)بص لفسفوس بإحتقار



وقاله بكل قرف : أجري نادي حد كبير يا شاطر......المفعوص فاسفوس حس بالاهانة اوي بس طبعا عمل نفسه مؤدب ومرضاش يرزع الباب في وش الاستاذ مضمحل.......



كله يهون عشان خاطر فسافس تنزاح
راح المفعوص الصغير و نادي ابو الفسافيس اللي استقبل الاستاذ مضمحل بكل تراحب وود


وجت الست ام الفسافيس تجري علي المدام كئيبة تخدها بالحضن وتبوس فيها



وتقولها اهلا بالغالية ام الغالي (شايفين النفاق)....وقفلوا الباب ونسيوا سأسأ بره....



بس لحقوا نفسهم بسرعة واعتزروا عن انهم مخدوش بالهم انه سأسأ..وأفتكروه ديكور جديد عامله صاحب العمارة وحطه جنب الباب



قعدت اللمة الكريمة في الصالة وقعد فيسفس الكبير مضطر جنب سأسأ عشان يعني ميحسسوش بالغربة.....



طبعا سأسأ الولد الوحيد لأب اسمه مضمحل ولأم اسمها كئيبة....اقل ما يقال علي سأسأ انه معشرش بني ادمين قبل كدا أو إنسان غير قابل للأستخدام الادمي



واكبر دليل انه جاي عشان يخطب فسافس.....



سأسأ لسا شايل علبة الشوكلاته في ايده.....المدام كئيبة بصتله وقلتله بقرف واضح اوي



حط علبة الشوكلاته ام عشرين جنيه علي التربيزة يا حبيبي.....

هما طبعاً دوروا علي ارخص حاجة عشان يجبوها




سأسأ سمع كلام ماما وحطها.....



كل القاعدة كانت تشكير في سأسأ وتشكير في اخلاقه واستقامته وان بنات الدنيا كلها بيترمو علي قارعة الطريق وهو معدي في اي طريق....





ام الفسافيس تبص لأبو الفسافيس وتمصمص شفايفها ...



قال يعني مش عاجبها الكلام......



وتبدأ تنشد قصيدة غزل في فسافس وعن طبور العرسان اللي واقف علي الباب ....



تروح جاية المدام كئيبة بصة لمضمحل افندي وهي كمان تمصمص شفايفها.....



الاستاذ مضمحل قطع قصايد الغزل بسؤاله: امال فين عروستنا الحلوة بقي خلينا نخلص.......



المفعوص الصغير قام حسب الاتفاق عشان ينادي فسافس عشان تيجي



وهي شايله عصير البرتقال ( المفروض انه منظر طبيعي مكرر شفناه كتير اوي...طب ايه الجديد بقي؟).....لغاية دلوقتي الحكاية الحمد لله ماشية تمام ......



وجت اللحظة الحاسمة....لحظة خروج عروسة المولد من الشرنقة.....



او لحظة خروج فسافس وهي شايله العصير.....



كل الانظار تعلقت بالعروسة طبعا.......(موسقي تصويرية فظيعة....اضاءة عالية جدا...تصفيق حاد وقام ومنفرج من الجمهور....متخدوش في بالكم دا انا بتخيل لحظة دخول فسافس علي الجمهور...قصدي علي الناس اللي جاية تتفرج عليها وتخطبها).....وحصل بقي اللي مكنش في الحسبان....



فسافس اتكعبلت في طرف السجادة



وصنية العصير كلها راحت في وش العريس المحترم

وبقي خليط عجيب من بني ادام وعصير في كوكتيل لن يتكرر في تاريخ البشرية



وكان المنظر شديد القسوة



حيث افترشت العروس الارض بصرخات مدوية هسترية



وانخرط العريس في البكاء بعد ما اغرقته اكواب عصائر البرتقال



وقامت المدام كئيبه بشد شعر ام الفسافيس وعضها من كتفها الايمن

وردت ام الفسافيس بهجمة مضاة عن طريق العض برضو...اكيد عرفتوا عضتها ازاي



وتكالبت الايدي واختلطت الاصوات والصرخات



ومنها صرخات العريس الحيقيني يا ماما العصير هيموتني



وسالت الدموع انهار يا ولدي......واصبحت الانسة فسافس لا تظهر لها معالم واضحة حيث لم يستطيع احد من الحضور ان يجزم اين وجه فسافس واين قفاها......



بدأ الموضوع يهدأ رويدا رويدا.....



وشالوا فسافس ودوها الاوضة بتعتها وسط تلويح بالايدي وصراخ بهستريا.....



وتم تنشيف هدوم سأسأ قدر المستطاع .....وتم فصل الجزء الادامي عن جزء العصير في عملية ترشيح كبري وهامة في تاريخ البشرية



وصلحوا الحكاية.........قدر الامكان ......



وتمت الاعتزارات والكلام اللي انتم عارفينه واحنا ملناش غير بعض وبدات جولة تانية......



خرجت فسافس بعد محاولات عديدة بائت معظمها بالفشل لأعادة السمكرة والمعجنة وتظبيط الزوايا مرة اخري.....



وخرجت دون ان تحمل اي شئ هذه المرة



وقعدت علي الكرسي اللي في وش سأسأ وهي بتبصله بتوعد وتكشير .....



سأسأ أصيب بنوبة حادة من التبول الا إرادي.....الواد بص للست والدته بخوف وقلها......ماما....انا عاوز اروح..ومش عاوز اتجوز..

قامت المدام كئيبة واخدت علبة الشوكلاته وقالت لمضمحل افندي..ابنك عنده حق....قوم يا راجل ...انا قلت من الاول ان الناس ديه نسبها ميشرفش وانتهت الحكاية برزع الباب ورا اسرة مضمحل افندي



ودي كانت قصة خطوبة الانسة فسافس اللي انتهت النهاية السعيده زي ما انتم شفتم...



وبكدا فشلت احدي محاولات نزع وإجلاء فسافس من عائلة الفسافيس



ويارب العرايس الحلوين ميبقوش زي فسافس...والعرسان الحلوين ميبقوش زي سأسأ
-------------

وبنعتزر لشيماء صاحبة الهمسات الدافئة علي التأخير





24 comments:

    ههههههههه
    دمك خفيف اويييي
    وتم فصل الجزء الادامي عن جزء العصير في عملية ترشيح كبري وهامة في تاريخ البشرية
    تحفه التشبيه ده
    انا اتعلقت بالعيله ده جدا
    وياسيدى ولا اعتذارات ولا حاجه:)
    كتاباتك تستحق انى استناها
    تحياتى وفى انتظار الباقى
    شيماء:)

    هههههههههههههههههه
    مبروووووووك
    متاااابعة
    تحياتي

    السلام عليكم ورحمة الله وبركاته


    تسفيك حااااااااااااااااااد

    ههههههههه

    ايه الحاجات الحلوه دي يا ابو صابر لا بجد موهوووووووووب يا ولدي موهوووووووووووب

    استمر نحن ورائك

    ههههههههه


    متابعه للنهايه

    ياريت الهدنه اللي انت واخدها ما تأثر علي تتابع الحلقات
    ويارب ما تكونش الهدنه دي بسنن زعل من حاجه لا قدر الله


    سلام

    ههههههههههههه
    لحد الصبح

    هنعتبر الهدنه دى اجازه
    وترجع بالسلامه
    بس برضه متتاخرش اوى
    تحياتى

    الراقص مع الذئاب واللاعب مع الأسد

    الله الله وحتسيب الفسافيس لمين وجمهور الفسافيس هو فيه ايه الأيام دى الناس بتختفى ليه ,,لآلآلآلآلآ الموضوع مش طبيعى أنين الحزن ومروة الزارع و أخونا ويسبر وناس كتير عايزة تاخد هدنة !!!! هدنة من ايه هو احنا فى حرب ايه الموضوع بالظبط هو موضوع اسراء انتشر كمان فى المدونات
    أنا عايزة أفهم

    ههههههههههههههههههههههههههههههههههههههههه

    بجد بجد
    اما بتجيب سيره فافس دي بحس اني هرجع
    ههههههههههههههههههههههههه


    ايه دي
    هي حاجه موجوده فعلا لسه ولا انقرضت
    هههههههههههههههههه

    ربنا يرحمنا

    ولا سي ساسا

    هههههههههههههههههههههههههههههه
    منتهي العفانه
    هههههههههههههههههههههههههههههه



    يلا ماتتاخرش بقي

    مستنيين

    ذئبى العزيز
    سايب فراغ فى المدونات
    يارب تكون بخير وترجع من هدنتك بموضوعات أقوى وأشد
    ادعيلى بقى
    فى انتظارك:)
    شيماء

    ايه ده انت غبت علينا اوى
    يا ريت ترجع بسرعة بئه
    تقبل مرورى

    حلوة اوي فسفس وفسافس دي


    بجد قصه حلوة
    انها حقا عائله محترمه


    :))))))))


    يل كمل بقي


    سلامي


    حزلووووقه

    On May 16, 2008 at 12:13 PM Anonymous said...

    الا من عوده؟؟؟

    يبدو ان البنت فسافس دى نحس
    اول ما رحت تدور لها على عريس
    طفشت من المدونه بحالها
    ربنا يسامحك يا فسافس

    On May 29, 2008 at 5:40 AM Anonymous said...

    مبروك يابوصابر على المدونة الجديده مع انها متأخره بس انت عارف القرف اللى احنا فيه والجيش المصرى بتاعنا ....................................
    بس حاجة جديدة عيلة الفسافيس دى
    ولذيذة
    ياريت متغيبش كتير

    سلااااااااااااااااااام

    السلام عليكم
    اول واخر زيارة ...قصدى اول زيارة وان شاء الله مش اخر زيارة لمدونتك حلوة اوى القصة مع انى قريت اخر بوست بس
    بس والله تضحك جدا ممكن تخلى نيتك من كتابة القصة دى ادخال السرور على قلب مسلم فتؤجر ان شاء الله
    كمل ومتابعين ان شاء الله
    تقبل مرورى

    بص علشان تلاقي عريس لفسافس
    روح مدونة خطبة المدونيين
    وشفها ربنا يكرمك بعريس

    وتبدأ تنشد قصيدة غزل في فسافس وعن طبور العرسان اللي واقف علي الباب ....



    تروح جاية المدام كئيبة بصة لمضمحل افندي وهي كمان تمصمص شفايفها.....



    الاستاذ مضمحل قطع قصايد الغزل بسؤاله: امال فين عروستنا الحلوة بقي خلينا نخلص
    ماعليينا بس هو شكلة يستهال فى عريس دلوقتى بيسمع كلام مامتة
    يستهال احسن يا رتة كان حاجة مغلية

    اين بقيه الحلقات

    عيله لطيفه جدا جدا

    ههههههههههههههههههه

    ايه دا

    انا نفسى اسال سؤال

    ازاى تقبلو واحد ابوه اسمه كدا

    الحمد لله ان الليله اتفسفست

    يلا تعيش وتاخد غيرها

    من اجل مصر
    شارك في الحملة الشعبية للقيد بالجداول الانتخابية وادعو غيرك
    ضع بنر الحملة علي مدونتك
    البنر موجود علي مدونتي
    اذا كنت ترغب في وضعه علي مدونتك ارسل ميلك كي ارسل لك كود البنر
    ارجو المعذرة للدخول بلا مقدمات لأني ادخل علي مئات المدونات يوميا

    امين

    مساء الخير أخى العزيز

    أدعوك للتعرف بابنائى الثلاثة بمعرض القاهرة الدولى للكتاب غدا ان شاء الله

    دمت بكل خير

    ناديه طه

    مدونة حورية من الاسكندرية

    http://nadiataha.maktoobblog.com/1587521/%d8%a7%d9%84%d9%85%d9%80%d9%80%d9%80%d9%80%d8%a7%d8%b1%d8%af-%d8%a8%d9%85%d8%b9%d8%b1%d8%b6-%d8%a7%d9%84%d9%82%d8%a7%d9%87%d8%b1%d8%a9-%d8%a7%d9%84%d8%af%d9%88%d9%84%d9%89-%d9%84%d9%84%d9%83%d8%aa/#comments

    أخيييييييييييييرا

    صدرت رواية سيزر و الأمواج الغاضبة

    عن مؤسسة حورس الدولية للنشر

    الف مبروك و شكرا لملهمى و مدونته الراقية

    الراقص مع الذئاب

    تحياتى لك اخى العزيز

    ناديه طه



    thx

    كشف تسربات المياة
    غسيل خزانات
    شركة نظافة عامة

    thank you

    سعودي اوتو